3. ตติยสุตฺตํ
[125] ‘‘ทสยิเม , ภิกฺขเว, ธมฺมา มหปฺผลา มหานิสํสา, นาญฺญตฺร สุคตวินยาฯ กตเม ทส? สมฺมาทิฏฺฐิ…เป.… สมฺมาวิมุตฺติ – อิเม โข , ภิกฺขเว, ทส ธมฺมา มหปฺผลา มหานิสํสา, นาญฺญตฺร สุคตวินยา’’ติฯ ตติยํฯ
4. จตุตฺถสุตฺตํ
[126] ‘‘ทสยิเม, ภิกฺขเว, ธมฺมา ราควินยปริโยสานา โหนฺติ โทสวินยปริโยสานา โหนฺติ โมหวินยปริโยสานา โหนฺติ, นาญฺญตฺร สุคตวินยาฯ กตเม ทส? สมฺมาทิฏฺฐิ…เป.… สมฺมาวิมุตฺติ – อิเม โข, ภิกฺขเว, ทส ธมฺมา ราควินยปริโยสานา โหนฺติ โทสวินยปริโยสานา โหนฺติ โมหวินยปริโยสานา โหนฺติ, นาญฺญตฺร สุคตวินยา’’ติฯ จตุตฺถํฯ
5. ปญฺจมสุตฺตํ
[127] ‘‘ทสยิเม, ภิกฺขเว, ธมฺมา เอกนฺตนิพฺพิทาย วิราคาย นิโรธาย อุปสมาย อภิญฺญาย สมฺโพธาย นิพฺพานาย สํวตฺตนฺติ, นาญฺญตฺร สุคตวินยาฯ กตเม ทส? สมฺมาทิฏฺฐิ…เป.… สมฺมาวิมุตฺติ – อิเม โข, ภิกฺขเว, ทส ธมฺมา เอกนฺตนิพฺพิทาย วิราคาย นิโรธาย อุปสมาย อภิญฺญาย สมฺโพธาย นิพฺพานาย สํวตฺตนฺติ, นาญฺญตฺร สุคตวินยา’’ติฯ ปญฺจมํฯ
6. ฉฏฺฐสุตฺตํ
[128] ‘‘ทสยิเม, ภิกฺขเว, ธมฺมา ภาวิตา พหุลีกตา อนุปฺปนฺนา อุปฺปชฺชนฺติ, นาญฺญตฺร สุคตวินยาฯ กตเม ทส? สมฺมาทิฏฺฐิ …เป.… สมฺมาวิมุตฺติ – อิเม โข, ภิกฺขเว, ทส ธมฺมา ภาวิตา พหุลีกตา อนุปฺปนฺนา อุปฺปชฺชนฺติ, นาญฺญตฺร สุคตวินยา’’ติฯ ฉฏฺฐํฯ
7. สตฺตมสุตฺตํ
[129] ‘‘ทสยิเม, ภิกฺขเว, ธมฺมา ภาวิตา พหุลีกตา มหปฺผลา โหนฺติ มหานิสํสา, นาญฺญตฺร สุคตวินยาฯ กตเม ทส? สมฺมาทิฏฺฐิ…เป.… สมฺมาวิมุตฺติ – อิเม โข, ภิกฺขเว, ทส ธมฺมา ภาวิตา พหุลีกตา มหปฺผลา โหนฺติ มหานิสํสา, นาญฺญตฺร สุคตวินยา’’ติฯ สตฺตมํฯ